header
اليوم 2017/10/20
14 ديسمبر، 2016  5:03 م

 

 

بعث أحد نشطاء الأقباط رسالة توبيخ لعبدالفتاح السيسى تكشف عن فهمه العميق لاشتغالة هذا النظام العسكري الذى يضحى بالشعب كله من اجل أن يبقى قال فيها :

جالك كلامي يا عااااااقل ..

سيادة الرئيس نحن لسنا أنبياء حتي نعرف النوايا

ولكن الله خلقنا بني آدمين ذات عقول تفكر ..

هو صحيح الحادث الأليم المرعب ده

اثر فينا كتير و أوجع قلوبنا و أدماها

ولكنه لم يؤثر علي عقولنا البتة

سيادتك قولت ان المجرم اسمه محمود شفيق

وكان لابس حزام ناسف .. يعني فجر نفسه ومات

مع الشهداء .. يعني ده كلام تمهيدا لغلق ملف القضية ..

اصل الراجل فجر نفسه ومات .. والأموات لا يحاكمون ..

طيب أول سؤال خطر ببالي .. احنة في الكنيسة

بنكون الرجال في مكان والسيدات في مكان أخر

بل ويفصل بينهما طرقة لا تقل مساحتها عن المترين ..

س-1 ازاى الانتحاري ده كان قاعد وسط الستات عادي خالص ..

ومتقوليش اصلوا كان لابس لبس واحدة ست لان سيداتنا لبسهم معروف جداا”البنطلون وال تي شيرت أو الجيبة والبلوزة ”

واي راجل يحب يعمل فيها ست هيكون اوفر اووى ومعروف لانه سنه في سن فتاة صغيرة (22سنة) ولانه ساعتها مش هيعرف يلبس الا حجاب او نقاب وطبعا ده مش لبسنا .. طيب ولو كان قاعد مع الرجال والرجال معرفوش انه غريب (الولد الصغير ده اللي عنده 22 سنة) طيب ده التفجير كان في صفوف السيدات .. ميكونش خلع الحزام الناسف من علي وسطه و حدفو علي الستات مثلا !!!!

س2 – ذكرت كمان سيادتك انه كان فيه واحدة ست

وهذا هو الرأي الأرجح والمعقول ولكن السؤال

لطالما فيه واحد لابس حزام ناسف ألا يكفي هذا لتفجير محيط الكنيسة ؟؟

اومال الست دى كانت شغلتها ايه معاه .. مساعد مخرج ولا ممرضه ولا ايه بالظبط ؟؟

ملحوظة تانيه : حضرتك تعرف ان الكنايس عندنا اللي بيصلوا فيها تقريبا هما هما بتوع كل أسبوع

وعلاقتهم ببعض بتكون متصله (اهل واصدقاء وقرايب وكده يعني) .. وهذا يعني ان اى حد بيدخل جديد بيكون ظاهر اووى للاخرين فما بالك بقي حضرتك بتقوللي ان الاغراب اللي كانوا دول راجل وست وكمان فيه تلاته تانيين .. الله دي بقت سلطه بقي يا سيدي الفاضل !!!!

ملحوظة تالته : حضرتك تعرف ان عندنا في الكنيسة واحنة بنصلي مش بنقعد مكتفين ايدينا طول الوقت ولكن طول وقت الصلاة بنشارك كلنا في الصلاة .. وده معناه ان اى حد ((بغض النظر عن انه غريب عن المكان)) بس مش هيعرف يشارك في الصلاة وهيبقي ظاهر اووى .. وده معناه وده الأقرب للحقيقة ان الست دي دخلت فترة صغيرة جدا تركت الشنطة وخرجت قبل ما حد يكشفها .. إذن هي موجودة يا سيادة الريس و حية ترزق ..

فارجوا منك احترام عقولنا و تحري الدقة من مصدر معلومات سيادتك وان كانت بالفعل نواياك حسنة فرجاء سرعة التحري عن هذة السيدة ومعرفة ممن يحرضها ويمولها .. وشكرااا

 

 

3

أهم الأخبار

الأكثر قراءة

مقالات

استطلاع الرأى

User Polls

جميع الحقوق محفوظة لموقع التقرير المصري © 2016